- Thursday, November 28, 2024
- A biweekly newspaper published from philadelphia , pa.
ന്യൂയോര്‍ക്ക്‌: ന്യൂയോര്‍ക്കിലെ ഫ്‌ളോറല്‍ പാര്‍ക്കില്‍ താമസക്കാരിയായ സ്വാതി അലോഷ്യസ്‌ നിര്യാതയായി. ഗീത അലോഷ്യസ്‌ ആറുകാട്ടില്‍ ദമ്പതികളുടെ ഏക മകളാണ്‌ 36കാരിയായ സ്വാതി.
ന്യൂഹൈഡ്‌ പാര്‍ക്ക്‌ ഫ്യൂണറല്‍ ചാപ്പല്‍സില്‍ (2175 ജെറിക്കോ ടേണ്‍പൈക്ക്‌) ജൂണ്‍ 23നു വൈകുന്നേരം 4 മുതല്‍ 9 വരെ വേയ്‌ക്കും, ഫ്‌ളോറല്‍പാര്‍ക്കിലെ ഔവര്‍ ലേഡി ഓഫ്‌ ദി സ്‌നോസ്‌ കാത്തലിക്‌ പള്ളിയില്‍ (258 15, 80വേ അവന്യൂ) ബിഷപ്പ്‌ റെയ്‌മോണ്ട്‌ ചപ്പോറ്റോയുടെ മുഖ്യ കാര്‍മികത്വത്തില്‍ അന്ത്യ ശുശ്രൂഷയും നടക്കും. മാതാപിതാക്കന്മാരോടും, ഏക സഹോദരന്‍ വിന്‍സന്റിനോടുമൊപ്പമാണ്‌ സ്വാതി കഴിഞ്ഞത്‌.
നിസ്വാര്‍ത്ഥയായ സാമൂഹ്യ സ്‌നേഹിയും പ്രവര്‍ത്തകയുമായിരുന്നു സ്വാതി. ന്യൂയോര്‍ക്കിലെ ഇന്ത്യാ ലാറ്റിന്‍ കാത്തലിക്‌ അസോസിയേഷന്റെ സെക്രട്ടറിയും, ഇന്ത്യന്‍ ലാറ്റിന്‍ അപ്പോസ്‌തലേറ്റിന്റെ ബ്രൂക്ക്‌ളിന്‍ രൂപതാ ലയ്‌സണും, ഇന്ത്യന്‍ ലാറ്റിന്‍ കാത്തലിക്‌ ദേശീയ സമ്മേളനത്തിന്റെ സെക്രട്ടറിയുമായിരുന്നു. ഫ്‌ളോറല്‍ പാര്‍ക്കിലെ ഔവര്‍ ലേഡി ഓഫ്‌ സ്‌നോസ്‌ പള്ളിയിലെ പാരീഷ്‌ പാസ്റ്ററല്‍ കൗണ്‍സില്‍ അംഗമായി സ്വാതി മൂന്നുവര്‍ഷം സേവനം ചെയ്‌തിരുന്നു.
