- Thursday, November 28, 2024
- A biweekly newspaper published from philadelphia , pa.
ന്യൂയോര്‍ക്ക്: ഗുരുശിഷ്യ ബന്ധത്തിന്റെ പാവനത്വമൊന്നും ഇന്നത്തെക്കാലത്ത് പ്രതീക്ഷിക്കാനാവില്ല. ക്ലാസിനിടെ കയര്‍ത്തുസംസാരിച്ച അദ്ധ്യാപകന്റെ മുഖത്തിടിച്ച വിദ്യാര്‍ത്ഥിയെ അദ്ധ്യാപകന്‍ എടുത്തുയത്തി നിലത്തടിക്കുന്നതിന്റെ വീഡിയോയാണിപ്പോള്‍ വൈറലായിരിക്കുന്നത്. പിന്നീട് ഒരു ചന്തയിലലെന്നോണം ഇരുവരും തമ്മിലടിക്കുകയും ചെയ്തു. 30 സെക്കന്‍ഡ് ദൈര്‍ഘ്യമുള്ള വീഡിയോ അമേരിക്കയിലെ ഒരരു സ്‌കൂളില്‍ നടന്ന സംഭവത്തിന്റേതാണ്. വിദ്യാര്‍ത്ഥികള്‍ തോക്കുമായെത്തി നിരപരാധികളായ സഹപാഠികളെയും അദ്ധ്യാപകരെയും വെടിവെച്ചുകൊല്ലുന്ന അമരിക്കയില്‍ ഇതൊരു വലിയ അദ്ഭുതവുമല്ല.
എന്തോ പറഞ്ഞ് കയര്‍ക്കുന്നതാണ് വീഡിയോയില്‍ തുടക്കത്തില്‍ക്കാണുന്നത് അദ്ധ്യാപകന്റെ നേരെ ഇതോടെ വിദ്യാര്‍ത്ഥി ഇരച്ചുചെല്ലുന്നു. ആദ്യം നെഞ്ചുകൊണ്ട് അദ്ധ്യാപകന്റെ നെഞ്ചത്തിടിക്കുന്നു. അദ്ധ്യാപകന്‍ വിദ്യാര്‍ത്ഥിയെ പിന്നോട്ട് തള്ളുന്നുണ്ട്. എന്നാല്‍ വീണ്ടും അതിശക്തനായി തിരിച്ചുവരുന്ന കുട്ടി അദ്ധ്യാപകന്റെ മുഖത്തിടിക്കു. ഇതോടെ കലികയറിയ അദ്ധ്യാപകന്‍, വിദ്യാര്‍ത്ഥിയെ വട്ടമെടുത്ത് നിലത്തടിക്കുകയും ചവിട്ടുകയും ഇടിക്കുകയുമൊക്കെയാണ്.
ഇതോടെ ആരൊക്കെയോ ഓടിയെത്തി ഇരുവരെയും പിടിച്ചുമാറ്റാനും ശ്രമിക്കുന്നുണ്ട്. ഇതിനിടെ നിലത്തുനിന്നെണീറ്റ വിദ്യാര്‍ത്ഥി വീണ്ടും അദ്ധ്യാപകന്റെ നേരെ ചെല്ലുന്നുമുണ്ട്. ഇടയ്ക്കുകയറുന്ന രണ്ട് വിദ്യാര്‍ത്ഥികള്‍ അദ്ധ്യാപകനില്‍നിന്നും കൂട്ടുകാരനെ രക്ഷിക്കാനായി തടസ്സം നിില്‍ക്കുന്നതും വീഡിയോയില്‍ കാണാം. സംഘട്ടനരംഗം കണ്ട് മറ്റ് വിദ്യാര്‍ത്ഥികള്‍ അലറിവിളിക്കുന്ന ശബ്ദവും പശ്ചാത്തലത്തിലുണ്ട്. 2017 ജൂലൈ 31-നാണ് വീഡിയോ ആദ്യം പ്രത്യക്ഷപ്പെട്ടത്. എന്നാല്‍, വ്യാഴാഴ്ച അതുവീണ്ടും പൊടുന്നനെ ലോകമെങ്ങും വൈറലൈയി മാറുകയായിരുന്നു.
