- Thursday, November 28, 2024
- A biweekly newspaper published from philadelphia , pa.
കാസര്‍കോട്ട്‌ കള്ളവോട്ട്‌ നടന്നതിന്‌ തെളിവായി കോണ്‍ഗ്രസ്‌ വീഡിയോ പുറത്ത്‌ വിട്ട സാഹചര്യത്തില്‍ അന്വേഷിച്ച്‌ റിപ്പോര്‍ട്ട്‌ സമര്‍പ്പിക്കാന്‍ മുഖ്യ തെരഞ്ഞെടുപ്പ്‌ ഓഫീസര്‍ ടിക്കാറാം മീണ ആവശ്യപ്പെട്ടു. കണ്ണൂര്‍ കാസര്‍കോട്‌ ജില്ലകളിലെ കളക്ടര്‍മാര്‍ക്കാണ്‌ നിര്‍ദ്ദേശം നല്‍കിയത്‌. ആരോപണം ശരിയെങ്കില്‍ അത്‌ ഏറെ ഗൗരവമുള്ള കാര്യമാണെന്നും ടിക്കാറാം മീണ പറഞ്ഞു.
ദൃശ്യത്തിന്റെ ഉറവിടവും വിശ്വാസ്യതയും കള്ളവോട്ട്‌ ചെയ്‌തെന്ന്‌ പുറത്ത്‌ വന്ന വിവരങ്ങള്‍ സംബന്ധിച്ചും സമഗ്രമായി അന്വേഷിക്കാനാണ്‌ ആവശ്യപ്പെട്ടിട്ടുള്ളതെന്ന്‌ ടിക്കാറാം മീണ പറഞ്ഞു. ഉദേ്യാഗസ്ഥര്‍ക്ക്‌ വീഴ്‌ച്ച സംഭവിച്ചോ എന്നു പരിശോധിക്കും. ഉേദ്യാഗസ്ഥര്‍ അറിയാതെ കള്ള വോട്ട്‌ നടക്കാന്‍ സാധ്യത ഇല്ല. ടിക്കാറാം മീണ പറഞ്ഞു. കള്ള വോട്ട്‌ നടന്ന ബൂത്തില്‍ ഉണ്ടായിരുന്ന ബൂത്ത്‌ ഏജന്‍റുമാരും കുറ്റക്കാരാകും.
കാസര്‍കോട്‌ മണ്ഡലത്തിലെ എരമംകുറ്റൂര്‍ പഞ്ചായത്തിലും ചെറുതാഴം പഞ്ചായത്തിലും വ്യാപകമായി കള്ളവോട്ട്‌ നടന്നതായാണ്‌ ആരോപണം. ചെറുതാഴം പഞ്ചായത്തിലെ പത്തൊന്‍പതാം നമ്പര്‍ ബൂത്തില്‍ വ്യാപകമായി കള്ളവോട്ട്‌ നടന്നിട്ടുണ്ടെന്നും കോണ്‍ഗ്രസ്‌ പറയുന്നു. ഇതിന്റെ ദൃശ്യങ്ങളും പുറത്ത്‌ വിട്ടിട്ടുണ്ട്‌.
