- Thursday, November 28, 2024
- A biweekly newspaper published from philadelphia , pa.
പി പി ചെറിയാന്‍
പ്രസിഡന്റ്‌ ട്രംപിനെ ഇമ്പീച്ച്‌ ചെയ്യുന്നതിന്‌ യു എസ് സെനറ്റില്‍ ഡെമോക്രാറ്റിക്‌ പാര്‍ട്ടി അവതരിപ്പിച്ച രണ്ടു ആര്‍ട്ടിക്കിള്‍സും യു എസ് സെനറ്റില്‍ പ്രതീക്ഷിച്ചതുപോലെ പരാജയപെട്ടു. ഇതോടെ ട്രമ്പ്‌ പൂര്‍ണമായും കുറ്റവിമുക്തനാക്കപ്പെട്ടു. യു എസ് ചരിത്രത്തില്‍ ഇതിനു മുന്‍പ്‌ ഇമ്പീച്ച്‌ ചെയ്യപ്പെട്ട പ്രസിഡന്റുമാരായ ആന്‍ഡ്രൂ ജോണ്‍സന്‍, ബില്‍ ക്ലിന്റണ്‍ എന്നിവരും സെനറ്റിലെ കുറ്റവിചാരണയില്‍ മോചിതരാകുകയായിരുന്നു.
ഒക്ലഹോമയില്‍ നിന്നുള്ള രണ്ടു ഡെമോക്രാറ്റിക്‌ അംഗങ്ങള്‍ (ജെയിംസ്‌ ലങ്കഫോര്‍ഡ്‌ ,ജിം ഇന്‍ഹോള്‍ ) ട്രംപിനെ കുറ്റവിമുക്തനാകുന്നതിന്‌ അനുകൂലമായി വോട്ട്‌ ചെയ്‌തപ്പോള്‍ ,റിപ്പബ്ലിക്കന്‍ പാര്‍ട്ടിയിലെ എക അംഗം മീറ്ററോമ്‌നി ട്രംപ്‌ അധികാര ദുര്‍വിനിയോഗം നടത്തിയെന്ന്‌ ആരോപിക്കുന്ന ആര്‍ട്ടിക്കിള്‍ ഒന്നിന്‌ അനുകൂലമായി വോട്ട്‌ രേഖപ്പെടുത്തി .
ആര്‍ട്ടികള്‍ ഒന്നിനെ അനുകൂലിച്ചു 52വോട്ടു ലഭിച്ചപ്പോള്‍ എതിര്‍ത്ത വോട്ടുകള്‍ 48 ആണ്‌. .ആര്‍ട്ടിക്കിള്‍ രണ്ടു (ഒബ്‌സ്‌ട്രക്ക്‌ഷന്‍ ഓഫ്‌ കോണ്‍ഗ്രസ്‌) 47 നെതിരെ 53 വോട്ടുകളോടെയാണ്‌ പരാജയപ്പെട്ടത്‌ . റിപ്പബ്ലിക്കന്‍ പാര്‍ട്ടിയില്‍ നിന്നും ചരിത്രത്തില്‍ ആദ്യമായാണ്‌ ഒരു സെനറ്റര്‍ (മീറ്ററോമ്‌നി )ഇപീച്ച്‌മെന്റിനു അനുകൂലമായി വോട്ടു രേഖപ്പെടുത്തുന്നത്‌. .അമേരിക്കന്‍ രാഷ്ട്രീയത്തില്‍ കുറെ നാളുകളായി ഉരുണ്ട്‌ കൂടിയിരുന്ന കാര്‌മേഘങ്ങള്‍ പെയ്‌തൊഴിഞ്ഞ ദിവസമായിരുന്നു ബുധനാഴ്‌ച .ട്രംപിനെ അധികാരത്തില്‍ നിന്നും നിഷ്‌കാസിതനാക്കാന്‍ ഡെമോററ്റുകള്‍ നടത്തി വന്നിരുന്ന നാടകത്തിനു ഇതോടെ തിരശീല വീണു .നവംബറില്‍ നടക്കുന്ന പൊതുതിരഞ്ഞെടുപ്പില്‍ തിരഞ്ഞെടുപ്പില്‍ പൂര്‍വാധികം ശക്തിയോടെ ട്രംപ്‌ അധികാരത്തില്‍ തിരിച്ചെത്തുന്നത്തിനുള്ള സാഹചര്യമാണ്‌ ഉരുതിരിഞ്ഞിരിക്കുന്നത്‌.
