- Thursday, November 28, 2024
- A biweekly newspaper published from philadelphia , pa.
പത്തനംതിട്ടയില്‍ സ്ഥാനാര്‍ഥിയായി വീഴാത്ത ജോര്‍ജുള്ളപ്പോള്‍ 'വീണ' ജോര്‍ജ്‌ എന്തിനെന്ന്‌ പി.സി.ജോര്‍ജ്‌. പത്തനംതിട്ടയില്‍ മത്സരിക്കുമോ എന്ന മാധ്യമപ്രവര്‍ത്തകരുടെ ചോദ്യത്തോട്‌ പ്രതികരിക്കവേയാണ്‌ ഇടത്‌ സ്ഥാനാര്‍ഥി വീണാ ജോര്‍ജിന്റെ പേര്‌ പരാമര്‍ശിച്ചുകൊണ്ട്‌ പി.സി.ജോര്‍ജ്‌ ആഞ്ഞടിച്ചത്‌.
സിറ്റിങ്‌ എംപി ആന്റോ ആന്റണിയെ കുറിച്ച്‌ മണ്ഡലത്തിലാര്‍ക്കും നല്ല അഭിപ്രായമില്ലെന്നും ആന്റോ മത്സരിക്കാതിരിക്കുകയാണ്‌ നല്ലതെന്നും കൂടെ പി.സി. ജോര്‍ജ്‌ സൗമ്യമായി പറഞ്ഞുവെച്ചു.
പത്തനംതിട്ടയില്‍ മത്സരിക്കാന്‍ താല്‍പര്യമുണ്ട്‌. എംപിയാവാന്‍ താല്‍പര്യമുള്ളതുകൊണ്ടല്ല മത്സരിക്കാമെന്ന്‌ തീരുമാനിച്ചത്‌. ശബരിമല റെയില്‍വേ പദ്ധതിയും എയര്‍പോര്‍ട്ട്‌ പദ്ധതിയും മേഖലയില്‍ അത്യാവശ്യമായി നടപ്പാക്കേണ്ടതുണ്ട്‌. അവ യാഥാര്‍ത്ഥ്യമാക്കണമെന്ന ലക്ഷ്യം മുന്‍നിര്‍ത്തിയാണ്‌ മത്സരിക്കുന്നത്‌ പി.സി.ജോര്‍ജ്‌ പറഞ്ഞു. അതേസമയം, മത്സരിക്കാനുള്ള അന്തിമ തീരുമാനം 15ന്‌ ചേരുന്ന ഒന്‍പതംഗ പാര്‍ട്ടി കമ്മിറ്റിയില്‍ ചര്‍ച്ച ചെയ്‌ത ശേഷമാകും എടുക്കുകയെന്നും അദ്ദേഹം പറഞ്ഞു.
