- Thursday, November 28, 2024
- A biweekly newspaper published from philadelphia , pa.
കൊച്ചി: ഐപിഎല്‍ ചൂട് തണുപ്പിക്കാന്‍ ക്രിസ് ഗെയില്‍ കേരളത്തിന്‍റെ കായല്‍ തീരത്ത് പറന്നെത്തി. കിംഗ്സ് ഇലവന്‍ പഞ്ചാബ് താരമായ ഗെയില്‍ കുടുംബ സമേതനായാണ് കേരളത്തിലെത്തിയിരിക്കുന്നത്. ഐപിഎലിലെ ചെറിയ ഇടവേളയില്‍ അവധി ആഘോഷിക്കാന്‍ കായല്‍ തീരമാണ് ഗെയില്‍ തെരഞ്ഞെടുത്തിരിക്കുന്നത്.
ഭാര്യ നടാഷ ബെറിഡ്ജും മകള്‍ക്കുമൊപ്പം ഞായറാഴ്ച കേരളത്തിലെത്തിയ ഗെയില്‍ കൊല്ലം റാവിസ് ഹോട്ടലിലാണ് താമസിക്കുന്നത്. അദ്ദേഹം വ്യാഴാഴ്ചവരെ ഇവിടെയുണ്ടാവുമെന്ന് ഹോട്ടല്‍ ജീവനക്കാരന്‍ വെളിപ്പെടുത്തി.
ഇന്‍സ്റ്റഗ്രാമില്‍ ഭാര്യക്കും മകള്‍ക്കുമൊപ്പമുള്ള പടം ഗെയില്‍ പോസ്റ്റ് ചെയ്തിട്ടുണ്ട്. തിങ്കളാഴ്ച ഗെയില്‍ കുടുംബവുമായി ഹൗസ്ബോട്ടില്‍ കായല്‍ യാത്ര ആസ്വദിച്ചു.
കായലില്‍നിന്നും ചൂണ്ടയിട്ടു പിടിച്ചെടുത്ത മീനും മറ്റു കേരള വിഭവങ്ങളും അദ്ദേഹം ആസ്വദിച്ചു. മൂന്നാം തീയതി ഇന്‍ഡോറിലേക്കു തിരിക്കുന്ന ഗെയില്‍ നാലാം തീയതി മുംബൈ ഇന്ത്യന്‍സിനെതിരായ മത്സരത്തില്‍ ടീമിനൊപ്പം ചേരും.
